भारतका गृहमन्त्री अमित शाहसँग सभापति रवि लामिछानेको भेट
काठमाडौं । भारत भ्रमनमा रहेका राष्ट्रिय स्वतन्त्र पार्टी (रास्वपा) का सभापति रवि लामिछाने नेतृत्वको प्रतिनिधिमण्डलले भारतका गृहमन्त्री अमित शाहसँग भेटवार्त गरेको छ ।मंंगलबार सभापति लामिछाने र भारतका गृहमन्त्री अमित शाहबिच भेटवार्ता भएको हो ।
भेटमा दुवै पक्षले नेपाल–भारतबिचको विशेष सम्बन्धलाई अझ सुदृढ बनाउँदै विकास, सहकार्य र आपसी हितका विषयमा मिलेर काम गर्ने दृढ प्रतिबद्धता व्यक्त गरेको जनाइएको छ ।
भेटका क्रममा अमित शाहले निर्वाचनमा रास्वपाले हासिल गरेको सफलताका लागि रवि लामिछानेलाई बधाई दिँदै नयाँ सरकारको सफल कार्यकालका लागि भारतको शुभकामना व्यक्त गरेका थिए ।
