काठमाडौँ। रुपन्देहीमा कोरोना भाइरस संक्रमण कारण् मृत्यु हुनेको संख्या २४५ पुगेको छ । लुम्बिनी प्रादेशिक अस्पतालको इमर्जेन्सीमा उपचाररत २ जना र १ जना कोरोना विशेष अस्पतालमा गरि ३ जना संक्रमितको मृत्यु भएको छ ।

अस्पतालका प्रवक्ता डा. बिष्णु गौतमका भनाइ अनुसार बुटवल तामनगरका ६५ वर्षिय पुरुषको राती १ बजे मृत्यु भएको छ । उनी बैशाख २० गतेदेखि अस्पतालको आईसीयूमा उपचाररत थिए ।

त्यसैगरि बैशाख २२ गते अस्पतालको इमर्जेन्सीमा भर्ना भएका तिलोत्तमा १ का ४३ वर्षिय पुरुषको राती २ः२१ मा मृत्यु भएको छ भने बैशाख १९ देखि अस्पतालको इमरर्जेन्सीमा उपचाररत तिलोत्तमा १ की ६४ वर्षकी महिलाको बिहान मृत्यु भएको प्रवक्ता डा. गौतमले बताएका हुन् ।

रुपन्देहीमा अहिलेसम्म कोरोना भाइरस संक्रमणबाट मृत्यु हुनेको संख्या २४५ पुगेको छ ।