विश्व बजारको असरः सुनको भाउ फेरि उकालो
काठमाडौं — विश्व बजारमा बढ्दो आर्थिक अनिश्चितता र भू–राजनीतिक तनावका कारण सुनको मूल्य निरन्तर उकालो लागिरहेको छ। सुरक्षित लगानीको विकल्पका रूपमा सुनतर्फ लगानीकर्ताको आकर्षण बढेपछि अन्तर्राष्ट्रिय बजारमा यसको माग बढेको हो।
यसको प्रत्यक्ष असर नेपाली बजारमा पनि देखिएको छ। हाल नेपाली बजारमा छापावाल सुनको मूल्य प्रतितोला करिब रु २,८४,७००पुगेको छ, जुन हालसम्मकै उच्च स्तर मानिएको छ। सुनको मूल्य बढेपछि व्यवसायी र उपभोक्ता दुवै प्रभावित भएका छन्।
