१५ औं महाधिवेशन : गगन थापा सभापति दौडमा
काठमाडौँ- नेपाली कांग्रेसका महामन्त्री गगन थापाले औपचारिक रूपमा पार्टी सभापति पदमा प्रतिस्पर्धा गर्ने घोषणा गरेका छन्।
पुस २६–२८ मा काठमाडौंमा हुने नेपाली कांग्रेसको १५ औं महाधिवेशन नजिकिँदै गर्दा थापाले आफ्नो उम्मेदवारी खुलाएका हुन्।
मंसिर १५ मा केन्द्रीय समितिले महाधिवेशनको कार्यतालिका सार्वजनिक गरिसकेको थियो।
हिमालय टिभीको यक्ष प्रश्न कार्यक्रममा पत्रकार निमेष बञ्जाडेसँग कुरा गर्दै थापाले भने:
“म १५ औं महाधिवेशनको सभापतिको उम्मेदवार हुँ।”
उनले कांग्रेसका धेरै नेताहरू र कार्यकर्ताले आफूलाई पार्टी नेतृत्व गर्ने जिम्मेवारी दिने विश्वास व्यक्त गरेको दाबी पनि गरेका छन्।
