दाङबाट चुनाव लड्ने तयारीमा पत्रकार भोजराज थापा, स्थानीयबीच चर्चा तीव्र
काठमाडौँ- चर्चित पत्रकार भोजराज थापा आगामी चुनावमा दाङ जिल्लाबाट उम्मेदवारी दिन तयारीमा रहेको जानकारी बाहिर आएपछि स्थानीय राजनीतिक माहोल तातिएको छ। लामो समयदेखि पत्रकारितामा सक्रिय थापाले सामाजिक मुद्दा उठाउँदै आएका छन्, साथै वर्षौंदेखि दु:खी तथा विपन्न परिवारलाई सहयोग गर्दै आएको कारण उनी जनमानसमा चिनिएका नाम हुन्।
थापाको सामाजिक संलग्नता र मानवीय सहयोगका गतिविधिले दाङका धेरै मतदातामा सकारात्मक प्रभाव पारेको देखिन्छ। यसैले, उनी राजनीतिमा प्रवेश गर्ने तयारीसँगै स्थानीय स्तरमा समर्थन र चासो दुवै बढेको छ।
तर आगामी चुनावमा जित–हार कतिको सम्भावना छ भन्ने प्रश्न अहिले नै ठोकुवा गर्न कठिन छ। दाङमा पार्टी संरचना, गठबन्धन, स्थानीय मुद्दा र प्रतिस्पर्धी उम्मेदवारहरू कस्ता हुन्छन् भन्ने आधारमा मात्र स्पष्टता आउने छ।
