आजदेखि अण्डाको मूल्य घट्यो
काठमाडौँ- अण्डाको मूल्य आजदेखि घटेको छ। नेपाल लेयर्स कुखुरापालक सङ्घको मंगलबार बसेको कार्यसमिति बैठकले उत्पादन र बजार अवस्थाबारेको समीक्षा गर्दै मूल्य समायोजनको निर्णय गरेको हो।
सङ्घका सचिव मदन पोखरेलका अनुसार नयाँ दर अनुसार अब ठूलो अण्डाको मूल्य प्रति क्रेट ४५० रुपैयाँ र मध्यम अण्डाको मूल्य प्रति क्रेट ४३५ रुपैयाँ हुनेछ। त्यस्तै सानो अण्डाको मूल्य प्रति पेटी २६ सय रुपैयाँ निर्धारण गरिएको छ।
यसअघि ठूलो अण्डाको क्रेट मूल्य ५०० रुपैयाँ र मध्यम अण्डाको ४५० रुपैयाँ रहेको थियो। नयाँ मूल्य आज (बुधबार)देखि लागू भएको सङ्घले जनाएको छ।
