कांग्रेस महामन्त्री शर्माबाट देउवालाई विशेष महाधिवेशन नबोलाए पदत्यागको चेतावनी
काठमाडौँ- नेपाली कांग्रेसका महामन्त्री विश्वप्रकाश शर्माले पार्टी विधानअनुसार पुस २८ भित्र विशेष महाधिवेशन नबोलाइए आफूले पद त्याग्ने चेतावनी सभापति शेरबहादुर देउवालाई दिएका छन्।
सिंगापुरबाट फर्किएका देउवासँग भेट दौरान शर्माले ५४% महाधिवेशन प्रतिनिधिको हस्ताक्षरसहित विशेष महाधिवेशनको माग दोहोर्याएका हुन्।
तर देउवा र संस्थापन पक्षका नेताहरू चुनावपछि मात्र महाधिवेशन गर्ने अडानमा छन्। लगातार लम्बिएको केन्द्रीय समिति बैठकबीच देउवा व्यक्तिगत भेटघाटमा व्यस्त छन्।
