एमाले नेता ऐन महरविरुद्ध मुद्दा, फरार प्रतिवादी घोषणा”
काठमाडौं — एमालेका केन्द्रीय सदस्य ऐन महरविरुद्ध विद्युतीय कारोबार ऐनअनुसारको मुद्दा दायर गरिएको छ।
जिल्ला अदालत काठमाडौंमा सोमबार दायर भएको मुद्दामा महरलाई फरार प्रतिवादी बनाइएको जिल्ला सरकारी वकिल कार्यालयका प्रमुख रामहरि शर्मा काफ्लेले जानकारी दिए।
११ भदौमा पक्राउ परेका महरलाई सोही दिन हाजिरी जमानीमा छोडिएको थियो। तर, मुद्दा दायर गर्ने समयमा अदालतमा उपस्थित नगराइएकाले उनलाई फरार प्रतिवादी बनाएर मुद्दा अघि बढाइएको हो।
फेसबुक लाइभमार्फत चरित्र हत्या गरेको भन्दै एक युवतीले साइबर अपराधमा जाहेरी दिएकी थिइन्। सुरुमा प्रहरीद्वारा जाहेरी नदर्ता भए पनि पछि सरकारी वकिलमार्फत दर्ता गरिएको हो। पीडितले महरविरुद्ध बलात्कारको पनि जाहेरी दिएकी थिइन्, तर सो मुद्दा तामेलीमा राखिएको छ।
