३५ रन टाढा इंग्ल्यान्डको जित, पाँचौँ टेस्ट रोमाञ्चक मोडमा
काठमाडौं - भारतविरुद्धको पाँचौँ तथा अन्तिम टेस्ट रोमाञ्चक मोडमा पुगेको छ। घरेलु टोली इंग्ल्यान्डलाई जित निकाल्न अब मात्र ३५ रन आवश्यक छ। भारतले इंग्ल्यान्डलाई ३७४ रनको लक्ष्य दिएको थियो।
चौथो दिन आइतबार वर्षाका कारण खेल रोकिँदा इंग्ल्यान्डले ६ विकेट गुमाएर ३३९ रन जोडेको थियो। इंग्ल्यान्डले सोमबार यही स्थितिबाट ब्याटिङ थाल्नेछ।
इंग्ल्यान्डका लागि जोए रुटले १०५ तथा ह्यारी बुकले १११ रन बनाए। उनीहरूले चौथो विकेटका लागि १९५ रनको साझेदारी गर्दै टोलीलाई बलियो अवस्थामा पुर्याए। रुटले १५२ बलमा १२ चौका प्रहार गरे भने ह्यारीले ९८ बलमा १४ चौका र दुई छक्का हिर्काए।
भारतका लागि प्रसिद्ध कृष्णाले ३ विकेट र मोहम्मद सिराजले २ विकेट लिए। यसअघि भारतले दोस्रो इनिङ्समा ३९६ रन बनाएको थियो। भारतका यशस्वी जैसवालले उत्कृष्ट ११८ रन बनाएका थिए भने रवीन्द्र जडेजा र वासिङटन सुन्दरले समान ५३ रनको योगदान दिए।
पाँचौँ टेस्टको अन्तिम दिन अब इंग्ल्यान्डको जित नजिक देखिए पनि भारतले बाँकी विकेट चाँडै टिप्न सके खेलको नतिजा उल्टिन सक्ने सम्भावना बाँकी छ।
