स्वास्थ्यमन्त्री पौडेल उच्च ज्वरोले अस्पताल भर्ना
काठमाडौँ - स्वास्थ्य तथा जनसंख्या मन्त्री प्रदीप पौडेल उच्च ज्वरोका कारण शनिबार वीर अस्पतालमा भर्ना भएका छन्। थाइल्याण्डबाट फर्किएपछि स्वास्थ्यमा समस्या देखिएपछि उनलाई अस्पताल लगिएको हो।
वीर अस्पतालका निर्देशक डा. दिलिप शर्माको नेतृत्वमा उनको उपचार भइरहेको छ। भीभीआईपी वार्डमा राखेर स्वास्थ्य परीक्षण जारी छ। अस्पताल स्रोतका अनुसार, थाइल्याण्ड जानुअघि देखिएको ज्वरो अझै निको नभएको हो।
