रामेछापबाट काठमाडौँ शव बोकेर आउँदै गरेको एम्बुलेन्स दुर्घटना, ३ जना घाइते
काठमाडौं - रामेछापको खाँडादेवीबाट शव बोकेर काठमाडौँ आउँदै गरेको एम्बुलेन्स दुर्घटनामा परेको छ। प्रदेश–३–०१–००२ झ ५८०३ नम्बरको एम्बुलेन्स सित्खा गोगनपानी सडकमा दुर्घटनामा परेको जिल्ला प्रहरी कार्यालय रामेछापका इन्स्पेक्टर कौशल न्यौपानेले जानकारी दिनुभयो।
एम्बुलेन्समा शव बाहेक ४ जना सवार थिए। घाइते हुनेमा सुरेश मगर, नारायण बहादुर नेपाली र दिल बहादुर दमाई रहेका छन्। घाइतेहरूको उपचारका लागि अस्पताल पठाउने तयारी भइरहेको प्रहरीले जनाएको छ।
प्रहरीले घटनास्थलमा पुगेर उद्धार कार्य सम्पन्न गरेको र थप अनुसन्धान जारी रहेको जनाएको छ।
