डोटीमा चट्याङ लागेर एक महिलाको मृत्यु, स्वास्थ्यकर्मी गम्भीर घाइते
काठमाडौं - डोटी जिल्लाको पूर्वीचौकी गाउँपालिका–२ वाडीमा सोमबार साँझ चट्याङ लागेर एक महिलाको मृत्यु भएको छ भने एक स्वास्थ्यकर्मी गम्भीर घाइते भएकी छन्।
प्रहरीका अनुसार, ४० वर्षीया देउमती साउद आफ्नै घरको झ्यालमा बसिरहेको अवस्थामा चट्याङको सिकार भएकी थिइन्। उनीलाई तत्काल उपचारका लागि जिल्ला अस्पताल डोटी लगिए पनि चिकित्सकले मृत घोषणा गरेका थिए।
त्यसैगरी, सोही ठाउँको बगलेक स्वास्थ्य चौकीमा कार्यरत ३६ वर्षीया अस्मिता ओली विष्ट पनि चट्याङको सिकार भएकी छन्। उनीलाई गम्भीर घाइते अवस्थामा धनगढी ल्याइएको छ।
