.jpg)
कटारी नगरपालिका–८ मा चट्याङ लागेर १३ वर्षीय बालकको मृत्यु
काठमाडौँ - कटारी नगरपालिका–८ फूलबारीका १३ वर्षीय चित्रबहादुर वलम्पाकी मगरको चट्याङ लागेर मृत्यु भएको छ।
सोमबार दिउँसो बाख्रा चराउन गएका चित्र साँझसम्म घर नफर्किएपछि उनका बुबा मानबहादुरले खोजी सुरु गरे। खोजी गर्दा उनी वन क्षेत्रमा चट्याङ लागेर ढलेको अवस्थामा फेला परे। घटनास्थलमा नै उनको मृत्यु भएको वडाध्यक्ष नवीन तामाङले जानकारी दिए।
इलाका प्रहरी कार्यालय कटारीका प्रमुख प्रहरी नायब उपरीक्षक कमल बजगाईँले घटनाको थप अनुसन्धान भइरहेको जानकारी दिए।
