जुम्लामा असिनापानीले स्याउ खेतीमा ठूलो क्षति
काठमाडौँ - गुठीचौर गाउँपालिकाको पूर्वी क्षेत्र, विशेष गरी गुठीचौर–३, मा शनिबार राति परेको असिनापानीले स्याउ खेतीमा ठूलो क्षति पुर्याएको छ। स्थानीय किसान दीपक बुढाका अनुसार, असिनापानीका कारण स्याउका बिरुवामा चिचिला लाग्ने बेला पातसमेत झारेर स्याउका रूख टाकुला देखिन थालेका छन्।
जिल्लामा ४,२५० हेक्टरमा स्याउ खेती भइरहेको र सो क्षेत्रका १६,००० घरपरिवार स्याउ खेतीमा निर्भर रहेका छन्। गत वर्ष रु ६१ करोड ४१ लाखको स्याउ बिक्री भएको कृषि विकास कार्यालयका निमित्त प्रमुख रामभक्त अधिकारीले जानकारी दिएका छन्।
असिनाले करिब रु १० लाखको स्याउमा क्षति पुर्याएको अनुमान गरिएको छ। गुठीचौर–२ मुडरीगाउँका वडाध्यक्ष दीपबहादुर ऐडीका अनुसार, कोल्ते, गुठीगाउँ र मुडरीगाउँलगायतका क्षेत्रमा करिब ५५० घरपरिवारले लगाएको स्याउ, गहुँ, जौँ, ओखर र बर्खे फलफूलमा क्षति पुगेको छ।
यस वर्ष शिखर इन्स्योरेन्सले बिमा गरिदिएका किसानलाई राहत भएको थियो, तर यस वर्ष बिमा नगरेका किसानलाई ठूलो मर्कामा परेको छ। किसान नुर्बु लामाले गत वर्ष रु ८ लाख आम्दानी गरेका थिए, तर यस वर्ष असिनापानीका कारण स्याउमा ठूलो क्षति भएको बताएका छन्।
स्थानीय तहका कृषि शाखासँग समन्वय गरेर क्षतिको तथ्याङ्क सङ्कलन भइरहेको कृषि विकास कार्यालयले जनाएको छ।
