_6pyfWgYPCr.jpg)
गाडी भासिएर हराएको स्थानमा खानी तथा भूगर्भ विभागको टोलीको अध्ययन सुरु
काठमाडौँ - गत शुक्रबार हेटौँडा उपमहानगरपालिका वडा नं. १६ र १७ को सिमानामा पर्ने गैरीगाउँको भित्री सडक खण्डमा रोकिराखेको अवस्थामा माछा बोक्ने सिङ्गल क्याप बलेरो गाडी जमिन भासिएर बेपत्ता भएको थियो। लगातार तीन दिनको खोजीपछि पनि गाडीको अवस्था पत्ता नलागेपछि हेटौँडा उपमहानगरपालिकाले भूगर्भ विभागलाई अध्ययनका लागि पठाएको थियो।
मंगलबार बिहान खानी तथा भूगर्भ विभागका चार सदस्यीय टोली हेटौँडा आइपुगेको छ। टोलीले गाडी भासिएको स्थानको भूबनोट, भूमिगत जलस्रोत र चुम्बकीय क्षेत्रका बारेमा अध्ययन गर्ने योजना बनाएको छ। भूगर्भविद् नारायण अधिकारीका अनुसार, टोलीले प्रोटोन म्याग्नेटोमिटरको प्रयोग गरी चुम्बकीय क्षेत्रको अध्ययन गर्नेछ। यसबाट भूमिगत जलको अवस्था र माटोको बनोट तहको बारेमा जानकारी प्राप्त गर्न सकिने उनले बताए।
