कारागारबाट कैदी फरार, सप्तरी
काठमाडौँ - सप्तरी कारागारबाट एक जना कैदी फरार भएका छन्। सोमबार बिहान रामानन्द मण्डल नामक कैदी हाम फालेर फरार भएको प्रहरी प्रमुख ढकेन्द्र खतिवडाले जानकारी दिएका छन्। उनका अनुसार मण्डल आइतबार राति १० बजेसम्म कारागारमा उपस्थित थिए, तर बिहान चट्याङसहितको वर्षाले अवसरको लाभ उठाउँदै फरार भएका हुन्। प्रारम्भिक अनुसन्धानमा मण्डल वालबाट हाम फालेर भागेको देखिएको छ।
मण्डल काठमाडौँबाट चोरी मुद्दामा पुर्पक्षका लागि सप्तरी कारागार चलान भएका थिए। उनी सप्तरी जिल्लाको शम्भुनाथ नगरपालिका वडा नं. ११ का निवासी हुन्। गएको पुस महिनामा उनी सप्तरी कारागारमा आएका थिए। फरार कैदी मण्डलको खोजीमा व्यापक प्रहरी टोली खटाइएको सप्तरी प्रहरीले जनाएको छ।
