वीर अस्पतालमा बिचौलियालाई प्रवेश निषेध, कानुनी कारबाहीको चेतावनी
काठमाडौं । वीर अस्पतालले अस्पतालको वार्डमा औषधि प्रचार गर्ने बिचौलियाहरूसम्मको पहुँचलाई रोक लगाएको छ। अस्पतालमा भर्ना भएका बिरामीलाई औषधि पसलको नाम र ठेगानासहित कार्ड दिने बिचौलियाका गतिविधि बढेपछि प्रशासनले यस्ता व्यक्तिहरूलाई अस्पताल प्रवेश गर्न नदिने निर्णय गरेको हो।
अस्पतालका निर्देशक डा. सन्तोष पौडेलले भने, “हामीले यस्ता शंकास्पद व्यक्तिहरूलाई अस्पताल परिसरमा रोक लगाएका छौं। यस्ता व्यक्ति भेटिएको खण्डमा कानुनी कारबाही गरिनेछ।” साथै, अस्पतालले सुरक्षा गार्ड र प्रहरीलाई यस्ता व्यक्तिहरूको सूचना दिने अपील पनि गरेको छ।
अस्पताल प्रशासनले स्वास्थ्य बीमा र अन्य बिरामीलाई औषधि र औषधिजन्य सामान सिफारिस नगर्न र अस्पतालको फार्मेसीबाट उपलब्ध गराइएका सामग्री मात्रै प्रयोग गर्न चेतावनी दिएको छ।
