काठमाडौँ।  दाङमा मोटरसाइकल दुर्घटनामा परेर दुईजनाको ज्यान गएको छ। घोराही उपमहानगरपालिका-१८ नवलपुरका २७ वर्षीय श्रवण पुन र घोराही उपमहानगरपालिका-४ का २१ वर्षीय विनोद केसीको दुर्घटनामा मृत्यु भएको हो।

दुर्घटना बिहीबार बिहान साढे ७ बजेतिर घोराही-लमही सडकखण्डको लमही नगरपालिका वडा नं. ६ स्थित बेलदमारमा भएको थियो। रा ८ प २९४० नम्बरको मोटरसाइकल दुर्घटनामा गम्भीर घाइते भएका उनीहरूलाई प्रहरीद्वारा लमही अस्पताल ल्याइएको थियो। चिकित्सकहरूले बिहान ९ बजे उनीहरूको मृत्यु भएको पुष्टि गरेका छन्।

प्रहरी उपरीक्षक केसीका अनुसार, मृतकहरूको शव पोस्टमार्टमका लागि लमही अस्पतालमा राखिएको छ। घटनाको अनुसन्धान भइरहेको प्रहरीले जनाएको छ।