डोल्पाबाट सुर्खेतका लागी उडेको हेलिकोप्टर आकस्मिक अवतरण
काठमाडौँ । डोल्पाबाट बिरामी लिएर सुर्खेत जाँदै गरेको हेलिकोप्टर प्रतिकूल मौसमको कारण आकस्मिक अवतरण भएको छ।
सुर्खेतको लेखबेंसी नगरपालिका–६ पुरानो घाट नजिकै खेतमा आकस्मिक अवतरण गरिएको हो। आकस्मिक अवतरणपछि हेलिकोप्टर ठूलो दुर्घटनाबाट जोगिएको हो।
जिल्ला प्रहरी कार्यलय सुर्खेतका प्रमुख एसपी योगेन्द्रसिंह थापाका अनुसार हेलिकोप्टर आकस्मिक अवतरण गरिएपछि बिरामीलाई एम्बुलेन्समार्फत प्रदेश अस्पतालमा पठाइएको छ।
