.jpg)
नेपाल महिला उद्यमी महासंघ र ग्लोबल इक्विटी फण्डबीच सम्झौता
काठमाडौं । नेपाल महिला उद्यमी महासंघ र ग्लोबल इक्विटी फण्डबीच एक समझदारी पत्रमा हस्ताक्षर भएको छ। नेपालको सामाजिक–आर्थिक विकासका लागि महिला उद्यमशीलता अभिवृद्धि गर्ने उद्देश्यले दुई संस्थाबीच समझदारी भएको हो।
उक्त समझदारी पत्रमा महासङ्घकी अध्यक्ष शोभा ज्ञवाली र फण्डका प्रबन्ध निर्देशक डा.मनिष थापाले हस्ताक्षर गरेका हुन्। अध्यक्ष ज्ञवालीले महिला उद्यमीहरूलाई दिगो विकासका लागि सहयोग र सल्लाह दिने उद्देश्यले समझदारी पत्रमा हस्ताक्षर गरेको उल्लेख गरेकी छन् ।
यसले विभिन्न पहल र लगानीहरू मार्फत महिला उद्यमीहरूको व्यापार र व्यवसायलाई बढवा दिने अध्यक्ष ज्ञवालीको भनाई छ । ‘यसले महिला उद्यमीहरूलाई सहयोग पुग्ने आशा गरिएको छ’, ज्ञवालीले भनिन्। महिला उद्यमी महासंघ महिला उद्यमीहरुकालागि स्थानीय र अन्तराष्ट्रिय मेलाको आयोजना, विदेशी व्यापार सम्बन्धि ज्ञान र कार्यक्रमहरु र वित्तीय पहुँचका क्षेत्रमा कटिबद्ध भएर लागेको छ ।
