काठमाडौँ २४ चैत । मंगलबार कर्णाली प्रदेशका तीन मन्त्रीले संयुक्त राजीनामा दिएका छन् । राजीनामा दिनेमा आर्थिक मामिला मन्त्री प्रकाश ज्वाला, सामाजिक विकासमन्त्री दल रावल र उद्योग, पर्यटन, वन तथा वातावरण मन्त्री नन्दसिंह बुढा रहेका छन् ।

तिनै मन्त्रीहरुले मुख्यमन्त्री महेन्द्रबहादुर शाहीसमक्ष  संयुक्त रुपमा राजीनामा बुझाएका छन् । आइतबार बसेको एमाले संसदीय दलको बैठकले राजीनामा दिने निर्णय गरेको थियो भने चैत ४ गते सो पार्टीले कर्णाली प्रदेश सरकारलाई दिएको समर्थन फिर्ता लिने निर्णय गरेको थियो ।

यस अघि ४० सदस्यीय कर्णाली प्रदेशसभामा नेकपा एमालेका २०, माओवादी केन्द्रका १३ र   राप्रपाका १ जना सांसद रहेकोमा आज तिन जनाले राजिनामा बुझाएका छन् ।