भक्तपुरको नगरकोटमा नेपालकै सवैभन्दा लामो जिपलाइन सञ्चालन
काठमाडौं । भक्तपुरको नगरकोटमा नेपालकै सवैभन्दा लामो जिपलाइन सञ्चालनमा आएको छ।
शुक्रबार पर्यटनमन्त्री सुदन किरातीले उद्घाटन गरेसँगै चाँगुनारायण नगरपालिका-६ र ७ मा फैलिएको २ हजार २५० मिटर लामो जिपलाइन आजदेखि संञ्चालनमा आएको हो।
यसअघि पोखराको जिपलाइन नेपालकै सबैभन्दा लामो जिपलाइनका रूपमा स्थापित थियो।
नगरकोटमा केदार थापा, प्रेम बहादुर बस्नेत लगायतको समूहले उक्त जिपलाइन सञ्चालन गरेका हुन्।
नेपालमा आउने पर्यटकहरूमध्ये ९० प्रतिशत नगरकोट आउने भएकाले उनीहरूलाई लक्षित गरी जिपलाइन सञ्चालनमा ल्याइएको थापाले बताए। जिपलाइन बनाउन १५ करोड रूपैयाँभन्दा बढी खर्च भएको उनले बताए।
उद्घाटनमा पुगेका पर्यटनमन्त्री सुदन किरातीले नगरकोटमा जिपलाइन सञ्चालनमा आएसँगै यसले नेपालको पर्यटन प्रवर्द्धनमा थप योगदान गर्ने बताए।
उद्घाटनपछि मन्त्री किरातीले पनि जिपलाइन खेलेका थिए।
