वैदेशिक रोजगार ऐन परिमार्जन गर्ने सरकारको तयारी
काठमाडौँ, ६, माघ । सरकारले वैदेशिक रोजगार ऐन, २०६४ परिमार्जन गर्ने तयारी गरेको छ । उपप्रधानमन्त्री तथा अर्थमन्त्री विष्णुप्रसाद पौडेलले सो ऐन परिमार्जन गरी समयसान्दर्भिक बनाउने बताएका हुन् ।
उनले सम्बन्धित निकायको सल्लाह र सुझावका आधारमा जतिसक्दो चाँडो व्यावसायिक कल्याणकारी कोषसम्बन्धी निर्देशिका ल्याउने बताए ।
वैदेशिक रोजगारलाई मर्यादित, व्यवस्थित र प्रभावकारी बनाउन सरकार प्रतिबद्ध रहेको भन्दै मन्त्री पौडेलले वैदेशिक रोजगार व्यवसायी र वैदेशिक रोजगार व्यवसायीमा जाने श्रमिकको आपसी सम्बन्धलाई पनि सन्तुलित र मर्यादित बनाउनुपर्नेमा जोड दिए ।
