कोरिया जाने कामदारको भिसा शुल्क ६ सय बढ्यो
काठमाडौँ, २२, पुस । ईपीएसमार्फत रोजगारीको लागि दक्षिण कोरिया जाने श्रमिकले पहिले तिर्दै आएको भिसा शुल्कमा केही रकम बढेको छ ।
नेपालमा रहेको दक्षिण कोरियाली दूतावासले अर्को महिनादेखि लागू हुने गरी भिसा शुल्कमा ६ सय रुपैयाँ बढाको ईपीएस कोरिया शाखाले जनाएको छ । पहिले ७ हजार २ सय रुपैयाँ शुल्क लिँदै आएकोमा अहिले बढेर ७ हजार ८ सय रुपैयाँ पुगेको हो ।
श्रमिक भिसा जारी गरेको पुष्टिको प्रमाणपत्र (सीसीभीआई) फारम भर्ने व्यक्तिहरुले भिसा शुल्कसहित बुझाउनुपर्ने हुन्छ ।
कोष तथा लेखा नियन्त्रण कार्यालय ललितपुरको नाममा नेपाल बैंक लिमिटेड गावाहल, खाता नम्बर ०१८०१०००००२००६०००००१ मा जम्मा गरेको सक्कल भौचर सीसीभीआई फारमसहित बुझाउन पनि शाखाले आग्रह गरेको छ ।
