चौबीस घण्टामा ३२४ मा कोरोना संक्रमण, एकजनाको मृत्यु
काठमाडौँ, १०, भदौ । पछिल्लो २४ घण्टामा ३२४जनामा कोरोना भाइरसको संक्रमण पुष्टि भएको छ । तीन हजार ५१५ वटा नमूना परीक्षण गर्दा ३२४ जनामा संक्रमण पुष्टि भएको हो ।
आज संक्रमणका कारण एकजनाको मृत्यु भएको छ । कोरोना संक्रमणका कारण मृत्यु हुनेको संख्या ११ हजार ९९९ पुगेको छ । चौबीस घण्टामा ४१८ जना कोरोना संक्रमणमुक्त भएका छन् । योसँगै हाल देशभर सक्रिय संक्रमितको संख्या तीन हजार ९४३ पुगेको स्वास्थ्य तथा जनसंख्या मन्त्रालयले जनाएको छ ।
