इजरायलले थप १ हजार नेपाली कामदार लैजाने
काठमाडौँ, ३०, साउन । इजरायलले नेपालबाट १ हजार कामदार लैजाने भएको छ । यसअघि केयर गिभरमा एक हजार भन्दा बढी नेपाली कामदार लगेको इजरायलले अब कृषि क्षेत्रमा काम गर्नका लागि थप एक हजार जना लैजाने भएको हो ।
श्रम, रोजगार तथा सामाजिक सुरक्षा मन्त्री शेरबहादुर कुँवरसँग सोमबार भएको भेटमा इजरायलका राजदूत खनान गोदेरले उक्त कुरा जानकारी गराएका हुन् ।
मन्त्रालयमा भएको शिष्टाचार भेटवार्तामा दुई देशबीचको श्रम सम्झौताबारे छलफल भएको थियो । छलफलमा मन्त्री कुँवरलाई राजदूत गोदेरले आइतबार मात्रै इजरायल सरकारले थप १ हजार नेपाली कामदार कृषी कामको लागि लैजाने विषय टुंगो लगाएको बताएका थिए ।
