पछिल्लो २४ घण्टामा १२१ जनामा कोरोना संक्रमण, सक्रिय संक्रमितको संख्या साढे ६ सय नाघ्यो
काठमाडौँ, २६, असार । नेपालमा कोरोना संक्रमितको संख्या बढ्दै गएको छ ।
पछिल्लो २४ घण्टामा थप १२१ जनामा कोरोना संक्रमण पुष्टि भएको छ । २४ घण्टामा भएको कुल तीन हजार ४५ नमुना परीक्षणमध्ये सो संख्यामा संक्रमण पाइएको हो । यो पछिल्लो केहि समययताकै उच्च संक्रमण दर हो ।
यसअघि फागुन २६ गते ११२ जनामा संक्रमण देखा परेको थियो ।
मंगलबार कोरोना संक्रमणमुक्त हुनेको संख्या भने ३१ रहेको छ । हाल देशमा सक्रिय संक्रमितको संख्या ६७८ रहेको छ । केहि समययता कोभिड १९ का कारण निधन हुनेको संख्या शून्य रहेको छ ।
