२ करोड ३२ लाख ४० हजारको बैंकिङ कसुरमा फरार अभियुक्त पक्राउ
काठमाडौँ, ८, असार । रकम नभएको बैंक खाताबाट चेक काट्ने उपेन्द्र घिमिरेलाई महानगरीय प्रहरी बृत्त जगातीको टोलीले मंगलबार पक्राउ गरेको छ ।
पक्राउ परको ३५ वर्षीय घिमिरे खोटाङको हलेसी नगरपालिका–६ घर भई हाल भक्तपुरको सूर्यविनायक नगरपालिका–५ कटुञ्जे बस्दै आएका थिए ।
महानगरीय प्रहरी बृत्त जगातीको टोलीले मङ्गलबार घिमिरेलाई पक्राउ गरेको महानगरीय प्रहरी परिसर भक्तपुरले जानकारी दिए ।
घिमिरेले विभिन्न १० व्यक्तिलाई आफ्नो रकम नभएको बैंक खाताबाट चेक काटी २ करोड ३२ लाख ४० हजार रुपैयाँ बराबरको बैंकिङ कसुर गरी फरार रहेका थिए ।
पक्राउ गरेर घिमिरेमाथि थप अनुसन्धान अगाडि बढाइएको प्रहरीले जनाएको छ ।