हिरो मोटोकर्पले बाइक र स्कुटरको मूल्य बढाउँदै
काठमाडौँ, १६, चैत । मोटोकर्पले आफ्नो दुई पांग्रे उत्पादनको मूल्य बढाउने भएको छ। भारतीय अटोमोबाइल उत्पादन कम्पनी हिरो मोटोकर्पले अप्रिल ५ तारिखदेखि बाइक र स्कुटरको मूल्य बढाउने घोषणा गरेको भारतीय अखबार अटो हिन्दुस्तानले जनाएको छ।
कम्पनीका अनुसार उत्पादन लागतको खर्च बढेसँगै कम्पनीले बिक्री मूल्य बढाउने निर्णय गरेको हो।
गत साताको शनिबारदेखि अटो निर्माता टोयोटा किर्लोस्कर मोटरले पनि आफ्नो उत्पादनहरूको मूल्य ४ प्रतिशतसम्मले बढाएको थियो।'विभिन्न मोडलको मूल्य २ हजार रुपैयाँदेखि, बजारअनुसार बढ्नेछ,' कम्पनीद्वारा मंगलबार जारी विज्ञप्तिमा उल्लेख छ।
त्यस्तै, बिएमडब्ल्यु इन्डियाले पनि शुक्रबार अर्थात् यही अप्रिल १ तारखिदेखि आफ्नो उत्पादनहरूको मूल्य ३.५ प्रतिशतले बढाउने बताएको छ। सवारी निर्माणमा आवश्यक कच्चा सामग्रीको मूल्य बढेसँगै लागत मूल्य बढेको र सोही कारण उत्पादन मूल्य बढेको कारण देखाउँदै कम्पनीले बजार मूल्य बढाएको हो।
