विश्वभर कुल संक्रमितको संख्या साढे ४५ करोड नाघ्यो
काठमाडौँ, २९, फागुन । विश्वभर पछिल्लो २४ घण्टामा थप करिब साढे १४ लाखमा कोरोना संक्रमणको पुष्टि भएको छ । वल्डोमिटरका अनुसार पछिल्लो २४ घण्टामा विश्वभर १४ लाख २१ हजार ५६ जनामा कोरोना संक्रमण पुष्टि भएको छ । यो सँगै विश्वभर कोरोना संक्रमित हुनेको संख्या ४५ करोड ६७ लाख नाघेको छ ।
यो सँगै कोरोना मृत्यु हुनेको कूल संख्या ६० लाख ६२ हजार ९४पुगेको छ । विश्वमा अझै पनि ६ करोड ३ लाख बढी सक्रिय संक्रमित रहेका छन् ।यस्तै सोही अवधिमा थप १२ लाख ९१ हजार १७१ जना संक्रमण मुक्त भएका छन् । यो सँगै हालसम्म विश्वभर संक्रमण मुक्त हुनेको संख्या ३९ करोड ३ लाख १५ हजार ७९२ पुगेको छ । यस्तै पछिल्ला २४ घण्टामा मात्रै कोरोनाले ४ हजार ५७१ सयको मृत्यु भएको छ ।
