विश्वभर पछिल्लो २४ घण्टामा थप १६ लाखमा कोरोना संक्रमणको पुष्टि
काठमाडौँ, ११, फागुन । विश्वभर पछिल्लो २४ घण्टामा थप १६ लाखमा कोरोना संक्रमणको पुष्टि भएको छ । वल्डोमिटरका अनुसार पछिल्लो २४ घण्टामा विश्वभर १६ लाख २८ हजार ८०५ जनामा कोरोना संक्रमण पुष्टि भएको हो । यो सँगै विश्वभर कोरोना संक्रमित हुनेको संख्या ४२ करोड ७९ लाख नाघेको छ ।
यो सँगै कोरोना मृत्यु हुनेको कूल संख्या ५९ लाख २४ हजार २२३ पुगेको छ । विश्वमा अझै पनि ६ करोड ६१ लाख सक्रिय संक्रमित रहेका छन् ।यस्तै सोही अवधिमा थप २६ लाख ३८ हजार ६२६ जना संक्रमण मुक्त भएका छन् । यो सँगै हालसम्म विश्वभर संक्रमण मुक्त हुनेको संख्या ३५ करोड ५९ लाख ३ हजार ३३७ पुगेको छ । यस्तै पछिल्ला २४ घण्टामा मात्रै कोरोनाले ८ हजार ८०३ सयको मृत्यु भएको छ ।
