पछिल्लो २४ घण्टामा थप ३८८ जनामा संक्रमण पुष्टि
काठमाडौँ, ९, फागुन । नेपालमा थप ३८८ जनामा कोरोना भाइरसको संक्रमण पुष्टि भएको छ। पछिल्लो २४ घण्टामा थप ३८८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। ८ हजार १४० जनाको परीक्षण गर्दा सो संख्यामा संक्रमित थपिएका हुन्।
यसको संक्रमणबाट पछिल्लो २४ घण्टामा ४ जनाले ज्यान गुमाएका छन्। एक हजार २०५ जना संक्रमणबाट निको भएको मन्त्रालयले जनाएको छ। ५ हजार २२५ जनामा पिसिआर गर्दा २४७ जनामा र २ हजार ९१५ जनाको एन्टिजेन परीक्षण गर्दा १४१ जनामा संक्रमण पुष्टि भएको हो।
यस्तै काठमाडौं उपत्यकामा ९६ संक्रमित थपिएका छन्। काठमाडौंमा ७७, भक्तपुरमा ८ र ललितपुरमा ११ जना संक्रमित थपिएका हुन्।अहिले देशभर ११ हजार २८२ सक्रिय संक्रमित छन्।
